Faraz Ahmed’s Personal Blog

Kiss tarah rokta houN ashkoN ko
Kiss taraf dil pay jabar karta houN
Aaj bhee kaarzaar-e-hustee maiN
Jub teray shehar say guzarta houN

Iss qadar bhee nahiN mujhe ma’aloom
Kiss mohallay maiN hay makaN tera
Kaun see shaakh-e-gull pay raqsaN hay
Rashk-e-firdaus, AasheeyaN tera
Jaane kin vaadeeoN maiN tehra hay
Gherat-e-husun, kaarvaaN tera
Kiss say poochouN ga maiN khabar teree
KaouN batla-ay ga nishaaN tera
Teree rusvaayoN say darta houN
(more…)

Mohabatoon ki saza bey-misaal di usnay
Udaas rehnay ki adaat si daal di usnay

Kaho phir kiya kia jai…?
Mujhe tum achi lagti ho
Tumhai’n main Acha lagta ho’n
Kaho Phir kiya kia jai…?
Tumhari jagmagati, Muskurati,
Geet gati, Dil ruba Aankhai’n
Boht gehri Badi katil nihayat
Kushnuma Aankhai’n
Mere Dil se meri Be’tabiyo’n se
Khailti Aankhai’n
Kamoshi ki zuba’n me
mujh se kiya kuch Bolti Aankhai’n
Bazahir Dosto’n me Khil-kilati
Chor Nazro’n se mujhe Muskurati
Aawaz deti Dhunty Aankhai’n
wo meri Rouh K Rukhsar ko
ek faasle Chumti Aankhai’n
Ye sb Batai’n btati hay
Main tum ko Acha lagta ho’n
wo mere Zabth Kho Denay
pe Pemaish bhari Nazrai’n
Ada-e-be’niazi ka wo ek
naa-kaam sa manzar
wo ek Kamzor si be’ittifaqui,
be’rukhi k sir pe ek
Mohoom se kawish
Mujhe ha’n mujhe
yu’n he Nazar andaz
karne ki wo ek
Dil-Chusp si koshis
Sar-e-Mehfil tumhara Raaz
Khul jane k Dhar se
Be’irada gher ehem Logo’n se
Rasm-e-guftogu’n karna
Ye sb Batai’n btati hay
Tumhai’n main Acha lagta ho’n
kaho phir kiya kia jai…?
Mere be’sakhta fikre
mere Lehjay ki hr Shoki
Mera hr waqt hr ek Simt
tum ko Dhunttai’n rehna
Nazar partay he tum pr
Zor se Dil ka Dharak uthna
Ye sb batai’n btati hay
Mujhe tum Achi lagti ho
Tumhai’n main Acha lagta ho’n
Kaho phir kiya kia jai…?
Hamaray Darmiya’n Rasmo’n, Riwajo’n ka
Samaji martabe ka Umr ka or Khandano’n ka
Boht gehra khala hay
Usay Kesay, Kesay, Kesay pur kiya jai…?
Kaho phir kiya kia jai…?
Kaho phir kiya kia jAi…?

Kabhi Yun bhi tu hu
Darya ka saahil hu
poray chaand ki raat hu
aur tum aao

Kabhi Yunbhi tu hu
Paryon ki mehfil hu
Koe tumhari baat hu
Aur tum aao

Kabhi Yun bhi tu hu
Ye narm mulayam thandi hawaein
Jab ghar say tumharay guzray
Khushbo tumhari churai
Aur tum aao

Kabhi Yun bhi tu hu
Soni har manzil hu
Koe na mairay saath hu
Aur tum aao

Kabhi Yun bhi tu hu
Ye badal aisa toot kar barsay
Mairay dil ki tarah milnay ko
Tumhara dil bhi tarsay
Tum niklo ghar say

Kabhi yun bhi tu hu
Tanhae hu, Dil hu
Bonday hu, Barsaat hu
Aur tum aao

Har baar mere saamane aati rahi ho tum
Har baar tum se mil ke bichrrta raha hooN main
Tum kaun ho ye Khud bhi nahi jaanati ho tum
Main kaun hoon ye Khud bhi nahi jaanata hooN main
Tum mujh ko jaan kr hii parri ho aazaab mein
Or is tarah Khud apani sazaa ban gayaa hoon main

Tum jis zameen par ho main us ka Khudaa nahi
Bas sar bazar aziiyat-o-aazaar hi raho
Bezaar ho gai ho bahut zindagi se tum
Jab bas mein kuch nahi hy to bezaar hi raho
Tum ko yahaaN ke saayaa-e-paratau se kiya Garz
Tum apne haq mein beech ki dewaar hi raho

Main ibtadaa-e-ishq mein bemahar hi raha
Tum intahaa-e-ishq ka miyaar hi raho
Tum Khoon thokatii ho ye sun kar Khushi hoi
Is rang is adaa mein bhi pur_kaar hi raho

Main ne ye kab kaha tha k muhabbat mein hai najaat
Main ne ye kab kahaa tha k vafadaar hi raho
Apni mataa-e-naaz luTaa kr mere liye
Bazaar-e-iltafaat mein nadaar hi raho

Jub main tumhy nishaat-e-muhabbat na de saka
Gam mein kabhi sukoon-e-rafaaqat na de saka
Jub mere sare charaaG-e-tamanna hawa ke hain
Jub mere sare Khwaab kisi bewafaa ke hain
Phir mujhy chahany ka tumhy koi haq nahi
Tanhaa karahany ka tumhy koi haq nahi!!!

Bohat dino ki baat thi
shabab per bahar thi
fiza bhi khushgawar thi
na jaane kioun machal para
main apne ghar se chal para
kisi ne mujh ko rok ker
bari aada se tok ker
kaha ke laut ayyee
meri qasam na jayyee
meri qasam na jayyee
magar mujhe khabar na thi
mahaul per nazar na thi
na janey kioun machal para
main apney ghar se chal para
phir shehar se main aa gaya
khayal tha ke paa gaya
usey jo mujh se durr thi
magar meri zaroor thi
phir ik haseen shaam ko
main chal para salam ko
gali ka rang dekh ker
naye tarang dekh ker
mujhe bari khushi hui
main kuch isi khushi main tha
kisi ne jhank ker kaha
paraye ghar se jayyee
meri qasam na ayyee
meri qasam na ayyee
wohi haseen shaam hai
bahar jis ka naam hai
chala hoon ghar ko chor ker
na janey jaoon ga kidhar
koi nahin jo rok ker
koi nahin jo tok ker
kahay ke laut ayyee
meri qasam na jayyee
meri qasam na jayyee

KHALILULLAH FAROOQUI

Bari pur sakoon thi yeh zindagi,naya dard kisnay jaga diya
kisi be-niyaz nay meri washatoon ko bara diya,

mere kam sukan ka yeh hukum tha,ke kalam is say main kam karoon
mere honth aise silay ke phir meri chup nay usay rola diya,

usay sher sunanay ka shuk tha,mujhe arz-e-haal ka zhuk tha
is hi zhuk-o-shuk may ek din,usay haal dil kasuna diya,

wo nigha kaisi nigha thi,yeh guraz kaisa guraz hai
mujhe dekh kar bhi na dekha,is ada nay haal suna diya,

kisi naam say kisi yaad say,mere dil ke bazam saji rahe
kabhi yeh charag jala diya, kabhi woo charag bhuja diya.

KHAILULLAH FAROOQUI

Ham jo tareek rahon men mare gai

tere honton ke phoolon ki chahat men ham
daar ki khushk tahni pe ware gai
tere haton ki shammaon ki hasrat men ham
neem tareek rahon men mare gai

sooliyon per hamare labon se pare
tere honton ki lali lapakti rahi
teri zulfon ki masti barasti rahi
tere hathon ki chandi damakti rahi

jab ghuli teri rahon men sham-e-sitam
ham chale aai, laa-e jahan tak qadam
lab pe harf-e-ghazal, dil men qandeel-e-gham
apna gham tha gawahi tere husn ki
dekh qaim rahe is gawahi pe ham
Ham jo tareek rahon pe mare gai

narasai agar apni taqdeer thi
teri ulfat to apni hi tadbeer thi
kis ko shikwa hai gar shouq ke silsile
hijr ki qatalgahon se sab ja mile

qatalgahon se chun kar hamare alam
aur niklenge ushshaq ke qafile
jin ki rah-e-talab se hamare qadam
mukhtasar kar chale dard ke fasle
kar chale jin ki khatir jahangeer ham
jaan gawan kar teri dilbari ka bharam
Ham jo tareek rahon men mare gai

Ab bhii har december main
mujhse pochte hain log
kis liye december main
yun odaas rehta hon
koi dukh chupata hon
ya kisi k jane ka
soug phir manata hon
ap mere album ka safa safa dekhen ge
aaye dekhata hoon zaapt aazmata hon
Sardiyon k mousam main garm garm coffee k
chote chote sip le kar
koi mujhse kehta tha
haye is december main kis bala ki sardi hay
kitna thanda mousam hay
kitni yakh hawayen hain
ap bhii ajab shey hain
itni sakht sardii main ho k itne beparwa
jeans or T-Shirt main kis maze se phirte hain
shaal bhii mujhe de dii
Cout bhii orha dala
phir bhii kampti hon main
chaliye ab sharafat se
pehan lijye sweater
ap k liye maine, bun liya tha do din main
kitna maan tha osko mere apni chahat par
Ab bhii har december main
oski yaad aati hay
garam garam coffee k chote chote sip lete
hath gal par rakhe herat o taajub se
mujh ko dekhti rehti or muskura deti
shookh o shang lehje main mujhse phir woh kehti thii
itne saard mousam main aadhii sleeve ki T-Shirt
*”Male Chauvinism” hay
is qadar na itrayen seedhe seedhe ghar jayen
ab ki baar jab ayen
Black trouser k sath, black high neck pehne
cout dhang ka le len
warna main qasam se phir aese rooth jaongii
samne na aaongii
dhondte hi rahiyee ga!
pass bethe Abbu k app sunte rahiye ga
tabsare siyasat (politics) par
coffe le kar kamre main tou phir na main aaongii
khali khali nazroon se app in khalaon main
yunhii takte rahiyee ga
or bekhayali par dant khate rahiye ga
kitni mukhtalif thii woh
sab se munfarid thii woh
apni ik laghzish se
maine khoo diya os ko
ab bhii har december main
oski yaad aati hay
sardiyon k mousam main
garam garam coffee k
chote chote sip letii
hath gaal par rakhe
herat o taajub se
mujh ko dekhtii rehtii thii
ab har december main os ki yaad aati hay

KHALILULLAH FAROOQUI

jawan raat key seeney pey dhoodhiya aanchal
machal raha hai kisi khuwab’e marmareen ki tarha
haseen phool, haseen pattiyan, haseen shaakhein
Lachak rahi hain kisi jism’e nazneen ki tarha
fiza mein khil se gaye hain ufaq ke narm khutoot
zameen haseen hai khuwabon ki sarzameen ki tarha
tasavurat ki parchaiyan ubharti hain

kabhi gumaan ki surat kabhi yaqeen ki tarha
woh pairh jin ke taley hum panah letey they
kharey hain aaj bhi sakit kisi ameen ki tarha
(more…)