Faraz Ahmed Siddiqui » Favorite Poetry

Un Kahee Kay Lehjay Me

Faraz Ahmed — Thu, 24 Jun 2010 12:04:24 +0000

Un Kahee K Lehjay Main
Kya Kya Nahi Kaha Hum Ne
Un Soo’Ne K Parday Main
Kya Kya Nahi Sona Tum Ne

Raaz Jo Nahi Khulta!
Jante Hain Hum 2no

Bat Jo Nahi Karte
Mantey Hain Hum 2no

Dhund Chayee Rehti Hai
Ke’hair Jaisa Alaam Hai
Dil ‘Zadoo Ki Basti K
Kya Ajeeb Mosaam Hai

Ak Mehak Fasorda See
Jaisay FAIZ Ki Naz’men
Yaad Ki Kasak Ho Jaisay
FARAZ Ki Ghaz’lein

Soch Ak Jaisee Hai
Khuwab Ak Jaisay Hain
Door Door Reh Kar Bhi
Sath 7 Chalte Hain
Khush’Gomaniyaan Dil Ki
Kaan Main Ye Kehti Hain

Doo’riyoon Say Darna Kya
Aahh’Hay’Sard Bharna Kya

Asee Roth Bhi Ayee Ge
Jab K Shak’khay’Farwa Par

Mas’lay Gul Khe’lain Gay Hum
Ak Din Melain Gay Hum……………!

Zamanay ko jalne do

Faraz Ahmed — Thu, 03 Jun 2010 20:03:38 +0000

Zamanay ko jalne do
Chalo ek sath chaltay hain
Nayee dunyaa basaanay ko
chalo ek sath chaltay hian
Hamain jeevan ka har lamhaa
Tumhaaray naam karna hay
Yehe waada nebhaanay ko
Chalo ek saath chaltay hain
Suna hay mil k chalnay say
Muqaddar jaag ut-tay hain
Tu phir ye baat azmaanay ko
Chalo ek sath chaltay hain.

Kaisay Kahen Wo Jaan Se Piyaara Nahi Raha

Faraz Ahmed — Mon, 19 Apr 2010 14:19:35 +0000

kese kahien k jaan se piyara nahi raha
yeh or baat ab wo hamara nahi raha
kuch din to us k laut ane ki asss thi
ab us umeed ka bhi sahara nahi rahasamjhy thy dosron se bohat mukhtlif
usy kiya maan lon k wo bhi hamara nahi raha
hatoon mein bus gae hain muqader ki kehkishan
yaa rakh ho gya woh sitara nahi raha…….!!!!!!!!

Wo Jo Aajatay Thay Aankhon Me

Faraz Ahmed — Thu, 04 Feb 2010 20:48:36 +0000

wo jo aajatay thay aankhon me sitaray le kar
janay kis des gay khab hamaray le kar

chaon me bethne walay hi to sab se pehle
parde(tree) girta hai to aa jatay hain aaray le kar

wo jo aasooda sahil hian unhen kia maloom
ab kay maoj aai to paltay gi kinaray le kar

aesa lagta hai keh har maosam-e-hijran me bahar
hont rakh deti hai shakhon pe tumharay le kar

sheher walon ko kahan yaad hai wo khab farosh
phirta rehta tha jo galion me ghubaray le kar

naqd-e-jan sarf hua ulfat-e-hasti me Faraz
ab jo zinda hon to kuch sans udharay le kar

by Ahmed Faraz

Tum say manzil ka nahi

Faraz Ahmed — Thu, 28 Jan 2010 21:42:51 +0000

Tum say manzil ka nahi
rishta safar ka hai mera
Ye zaroori to nahi
Sath challa bhi jayee
Ye zaroori to nahi
Tum say milla bhi jayee
Ishq deedar ka muhtaj nahi hota
Aik ahsaan ka rishta hai ye khushboo ki tarahan
daikhnay choonay say ady kisi jadoo ki tarahan
Sirf awaz hi kafi hai muhabbat k liye
Aur sab kuch hi azafi hai muhabbad k liye.

Phir December Me Khuli Guzray December Ki Kitaab

Faraz Ahmed — Thu, 24 Dec 2009 19:17:04 +0000

phir december me khuli,guzray december ki kitaab
dil k angan me khila phir teray chehray ka gulab

thay jaisay phool say sandal say mehektay huay haath
paish kartay hauy coffe wo khanaktay hauay haath
mujh ko chonay ki tamanna me jhijhaktay huay haath
aur hathon me simat\ta hua wo sara hijaab
phir december me khuli,guzray december ki kitaab

thatharatay huay wo lab hain na un ka ghaaza
kitni sardee hai yah kiss tarah say ho andaazaa
band hota hua ahista say ek darwaazaa
keh raha hai abhi utha hai sarhany say wo khwaab
phir december me khuli,guzray december ki kitaab

yaad jab ayay wo lub jaag utha sara badan
khushk maiwon ki lehek say chamak utha yeh dehen
khajl-e-shab me wo simti hui sardi ki dulhan
barf main lipta ho jis tarah say sholay ka shabab
phir december me khuli,guzray december ki kitaab

garam sanson k siwa sard sa sara kamra
teray chehray k siwa dard sa sara kamra
ab to hai dil ki tarah dard sa sara kamra
ab to aik pyaas hai aur dour talak aik sarab
phir december me khuli,guzray december ki kitaab

yeh khizan aur yeh girtay huay patton ka shor
jism shal karti hui khushk hawaon ka yeh zor
mujh ko khenchay lye jati hain ghatayen tere aour
to waha hai, yaha main, hayey yeh doori ka azaab
phir december me khuli,guzray december ki kitaab

tum gayay jab say wahin tham gayi sardi ki yeh raat
jaisay honton pe he reh jaye adhori koi baat
jaisay hathon main akar koi nikal jaye woh haath
jaisay dekhay koi raton ko adhora koi khwaab
phir december me khuli,guzray december ki kitaab

dhoop ki naram chamakti jaroon ki wo subh
aout say jhanktay shafaaf paharon ki wo subh
adh khilay nain dareechon ki dararon ki wo subh
nikhra nikhra sa tere tarah wo din ka shabab
phir december me khuli,guzray december ki kitaab

roz ankhon me guzarti hai teray baad yeh raat
mujh say kaatay nahi kat\ti teray baad yeh raat
mo lapaitay pari rehti hai teray baad yeh raat
raat ek baar khila phir say tere yaad ka baab
phir december me khuli,guzray december ki kitaab

wo teray saath december ki guzaari hui shaam
tezz khanjar ki tarah dil me utari hui shaam
laut k ayi nahi phir wo pukari hui shaam
phir nahi dekha koi jagti ankhon kabhi khwaab
phir december me khuli,guzray december ki kitaab

phir december hai ussi tarah say tanha hai koi
adh khula darr hai ussi tarah say tanha hai koi
phir wohi ghar hai ussi tarah say tanha hai koi
phir wohi hijr wohi hai shab-e-hijran ka azaab

PHIR DECEMBER ME KHULI, GUZRAY DECEMBER KI KITAAB
DIL K ANGAN MAIN KHILA PHIR TERAY CHEHRAY KA GULAAB..

Yeh jo raig e dasht e firaq hai

Faraz Ahmed — Mon, 21 Dec 2009 17:26:53 +0000

Yeh jo raig e dasht e firaq hai,Yeh rukay agar
Yeh rukay agar tou nishan milay,ye nishan milay
K jo faaslon ki saleeb hai
Ye gari huwee hai kahan kahan
Mere aasman se kidher gaee tere iltafat ki kehkashan
Mere bekhabar, Mere baynishan
Ye rukay agar tou pata chala
Mai tha kis nagar, Tu raha kahan!
Keh zaman o makan ki wusetian
Tujhay daikhnay ko taras gaeen
Wo mere naseeb ki barishain
Kisi aur chatt per baras gaeen!
Mere char-soo hai wo gubhar e jaan,Wo fishar e jaan
Keh khabar nahee mere hath ko mere hath ki
Mere khawb say tere baam tak
Teri rahguzer ka tou zikar kia
Nahee zoofishan tera naam tak!
Hain dhuan dhuan mere isthakhwa
Mere aansuon mein bujhay huwe mere istakhwan
Mere naqsha gar, mera naqsha jaan
Isi raig e dasht e firaq mein rahay muntazir.tere muntazir
Mere khawb jin k fishar mein
Rahi mere haal say bekhabar
Teri rahguzar
Teri rahguzar k jo naqsh hai mere hath per
Magar is bala ki hai teergi
Keh kahbar nahee mere hath ko mere hath ki
Wo chasm e shoubda saaz thi wo uthay agar
Mere istakhwan mein ho roshni
Isi aik lamha e deed mein teri rahguzer
Meri teera jaan mein chamak uthay
Mere khawb say tere baam tak
Sabhi manzaron mein damak uthay
Isi aik pal mein ho jaawidan
Meri arzoo k hai be-karan
Meri zindagi k hai mukhtsir
Ye jo raig e dasht e firaq , ye rukay agar.

Main Aur Meri Awaargi

Faraz Ahmed — Sun, 20 Dec 2009 20:38:13 +0000

Phirte Hain Kab Se Dar badar
Kabhi Is Nagar Kabhi Us Nagar
Ek Doosre Ke Humsafar
Main Aur Meri Awaargi
Na Aashna Har Rehguzar
Na Meherbaan Har Ek Nazar
Jaayein To Ab Jaane Kidhar
Main Aur Meri Awaargi
Hum Bhi Kabhi Aabaad The
Aese Kahaan Barbaad The
Befikr The Aazaad The
Masroor The Dilshaad The
Wo Chaal Aesi Chal Gayaa
Hum Bujh Gaye Dil Jal Gayaa
Nikle Jalaa Kar Apanaa Ghar
Main Aur Meri Awaargi
Wo Maah-e-vash Wo Maah-e-rooh
Wo Maah-e-kaamil Hu-ba-hu
Theen Jis Ki Baatein Ku-ba-ku
Us Se Ajab Thi Guftaguu
Phir Yoon Huwa Wo Kho Gayi
Aur Mujh Ko Zid Si Ho Ga_ii
Laayeinge Us Ko Dhoond Kar
Main Aur Meri Awaargi -4
Ye Dil Hi Tha Jo Seh Gayaa
Wo Baat Aesi Keh Gayaa
Kehne Ko Phir Kya Reh Gayaa
Ashkon Ka Dariyaa Beh Gayaa
Jab Keh Ke Vo Dilbar Gayaa
Tere Liye Main Mar Gayaa
Rote Hain Us Ko Raat Bhar
Main Aur Meri Awaargi
Ab Gham Uthaayein Kis Liye
Aansu Bahaayein Kis Liye
Ye Dil Jalaayein Kis Liye
Yoon Jaan Gawaayein Kis Liye
Peshaa Na Ho Jis Kaa Sifan
Dhoondeinge Ab Aesa Sanam
Honge Kahin To Kaar-gar
Main Aur Meri Awaargi
Aasaar Hain Sab Khot Ke
Imkaan Hain Sab Chont Ke
Ghar Band Hain Sab Koth Ke
Ab Khatm Hai Sab Totke
Qismat Kaa Sab Ye Pher Hai
Andher Hai Andher Hai
Aese Hue Hain Be-asar
Main Aur Meri Awaargi
Jab Humdam-o-humraaz Tha
Tab Aur Hi Andaaz Tha
Jab Humdam-o-humraaz Tha
Tab Aur Hi Andaaz Tha
Ab Soz Hai Tab Saaz Tha
Ab Sharm Hai Tab Naaz Tha
Ab Mujh Se Ho To Ho Bhi Kya
Hai Saath Wo To Wo Bhi Kya
Ek Behunar Ek Besabar
Main Aur Meri Awaargi
Phirte Hain Kab Se Dar-ba-dar
Ab Is Nagar Ab Us Nagar
Ek Doosre Ke Humsafar
Main Aur Meri Awaargi

Kitnay Ajeeb Mor Pe Mujhko Milay Ho

Faraz Ahmed — Thu, 17 Dec 2009 20:12:40 +0000

Kitnay Ajeeb Mor Pe Mujhko Milay Ho Aaj,
Na Khonay Ka Hosla Hai Na Panay Ki Aarzuu…!!!

Mujhe Tum Se Mohabbat Hai

Faraz Ahmed — Thu, 17 Dec 2009 20:06:00 +0000

Azal se taa abad jana
falak k chand taaron se
meri dharti k zaroan se
pehaari ki bulandi se
saba ki shokhion se
or
phoolon ki melahat se
kahin zyada mujhe tum se mohabat hai