Mai muskra ke us se kehta hon.. haan bena mujhe bhi yahi lagta hai… mai bhi ab tumhe bhoolnay laga hon ……. mujhe bhi ab tum yaad nahi rehte ho…… waqai mai bahut masroof hon…. mujhe tumhara khayal bhi nahi ata……. Aaj kal en jobs k chakar me itna masroof hon k mujhe apna hi hosh nahi to tumhari yaad kahan se aye ge…

Pagli…. jante ho aaj bhi tumhari ankhon ko soch kar aik bhanwar me doob sa jata hon…. aaj bhi un kaali gehri ankhon me  doob nay k baad sari dunya ko apnay aap se bahut door pata hon….. jante ho ….. tumhari yaad hi to meri zindagi me aik khushgawar ehsas hai…..

Meri zindagi hai hi tumhari baaton aur tumhari yaadon ka mehvar…  pata to hai tumhe… tumse kehta tha na aksar…..

“Aisay hansti thi wo aisay chalte thi.

Chand k jaisay chupti aur nikalti thi.

Sab se teri baaten tery baad karengay

Tujhe yaad karen gay”

aur ye jo misra hai na …. aisay chalte thi wo aisay hansti thi… bas yahan se agay hi kab nikal saka hon mai. har dam har pal tumhari muskurahat, tumhara chehra meri ankhon me samaya rehta hai… tumhari baaten aaj bhi mery kaanon’ me gunjti rehte han.. aaj bhi aik aik baat jo tumse ke hai wo mery dil me mehfooz hai….

Yeh sach hai k dunya ke zindagi me bahut masroof ho gaya hon…. magar ye masroofiyat tumhe meri zindagi se juda nahi kar sakte…. tum dil me tum rooh me sama chuke ho…

Tum mujh me basti ho tum mera hi hissa ho…… tumhe mujhse juda karna aisa hi hai jaisay mujhse meri zindagi cheen lena….. Aray pagli jis tarha samandar ke do lehro ko juda nahi kia ja sakta, jis tarha suraaj se roshni ko….. jis tarha dil se dhadhkan ko juda nahi kia ja sakta na….. us hi tarha tumhe, tumhari baaton ko tumhari yaadon ko mujhse juda karna na mumkin hai….

Meri zindagi ka haasil hi kiya hai juzz tery… es zindagi me bas tumhe hi to paya hai… meri zindagi me tumhary na honay ka tasauvr hi meri zindagi ko kisi siyah raat ke manind bana deta hai…

Ab us duniya ka mai aadi ho gaya hon es duniya me ab mera dil nahi lagta…meri duniya bas wo hi hai jisme tumhari yaadon se saja hua aik dil hai jis me tum har pal rehte ho..

Har har chez me guzray waqt ke yaaden wabasta han. Aaj bhi mujhe wo ganay pasand han jo tumne mery sang baith kar sunay thay aur kaha tha… aray yeh to mera favorite song hai, ye waqai zabardast hai… aur wo song to mai abhi bhi sun raha hon itnay salon me kuch nahi badla kuch bhi nahi.

Dekho ye jo mai kehta hon k mohabat sachi ho to ham kabhi aik dosry se juda nahi ho saktay sahi hi to kehta hon… kya juda ho sake ho tum aj bhi meri yaadon se? jawab tum jante hi hoge. kya waqt ke dhool yadoon pe jam sake? kya fikr -e- maash (job) ke tenssion ne tumhe mujhse door kiya?

kya aaj bhi tumne apna aks nahi dekha meri tehreeron (writeups) me? Kya aaj tak mai wo tasver jisme tumne peela dopata pehna tha bhool paya hon? kya wo waqt jisme kabhi ham sath thay kabhi hamari baaten hote then kabhi ham hanstay thay kabhi sath ghoomay thay… us guzray waqt ka aik lamha bhi boola hai?

Na janay kyon kyon kyon wo sab kuch dil me kabhi lava sa ban kar phat parta hai… na janay kyon…  yeh 14ven ke raat q a jate hai… phir wo hi baaten lay kar yeh chand kitna tadpa sa deta hai na

phir mai us hi waqt me laut jata hon jahan tum sath then… kitna sukoon dete hai mujhe samandar ke thandi hava ke yaad..jahan tum kabhi kuch qadam mery sath chale then..jahan tumhary safaid pair raat ke tareeki mekaali rait per kisi chand ke roshni se kam to nahi lag rahay thay… aur wo choti ungli me pehni hue chandni ke ring… mai us ke to misaal bhi nahi dy sakta…us manzar ko bhi nahi bhol sakta jab tumhary pairon ko pani chuta ja raha tha… jab tumhara peela dopata …. hava me kitni tezi se lehra raha tha…. jab tumhari muskurahat me mai gum tha..

Mai aaj bhi aksar 14ven ke raat ko samandar kinary ja kar us manzar ke yaadon ko taaza karta hon un hi thandi hawaon ko mehsoos karta hon… chand ke taaiz roshni me us manzar kay aik aik pal ko taaza karta hon….

Lovers point per jab samandr ke lehren a kar deewar se takrati han aur tez pani urta hai… to wo hi manzar yaad ajata hai jab tumhary chehray per yahi samandar se uchaltay machatay pani k kuch qatray paray thay aur tum ankhen band kar lete then.. aur mai us manzar me mehev ho jata tha jab pani k qatray tumhary rukhsar ko chomtay thay aur … aur tum ankhen band kiye machal se jate then..

aaj bhi un machaltay hue qatron ko mai urtay hue dekh rha hon…. aaj bhi us chandni ko mehsoos kar raa hon…  aaj bhi mai us dewar par apnay bazoo phailaye en lehron ka estaqbal (welcome) kar raha hon…

aaj bhi wo hi chand nikla hai… wo hi 14ven ka chand…. wo hi naya sa pura sa chand… lehron ko beqaboo karta hua chand…. mery bhi jism me daurtay hue khoon ko muztarib karta hua chand…

aaj har pal wo hi hai…. wo hi chand hai… wo hi hai chaar soo phaili hue roshni…. wo hi hai samandar… wo hi hain samandar ke bay qaboo se lehren .. wo hi us hi dewar se takarti … pani ke qatray urati…. har shaye muztarib hai… har shay be qarar hai…. wo hi bay qarari …. who hi machaltay jazbaat..

jo nahi hai wo tumhara sath……… jo tumhara sath nahi hai to ye manzar ye pal … sab adhora lag raha hai sab adhora lag raha hai sab bohat pheeka hai

Raasta jitna kathan ho
samandar kitna hi gehra ho
taklefen kitni hi hon
mushkilen kitni hi raah me hon…
Yeh raat kitni hi gehree ho…….

per… jab din nikalta hai na…. aik naye sooraj ke amad per…… wo sari tareeki khatam ho jate hai…. wo raat k gehray saye chat (???)jatay han……

Aur phir aik naye din ke umeed, aik naye shuruat k aghaz k lye naya sooraj naumudar hota hai…..

yeh manzar rooz dekhta hon..

Aur ehsas hota hai……. kay Rub jab kehta hai k meri rehmat se mayous mat ho… mayousi kufr hai…. to waqai…. yeh raat ke tareeki kay baad anay wali subha… yahi to paigham late hai….

woh jo raat me rasta bhatak gaye hon…
woh jo raat me manzil hasil na kar sakay…
woh jo raat ko dauran e safar thay………

unkay lye anay wala naya din… talash e manzil ke roshni lata hai na…

to yeh dekh kar to mera yaqeen aur mazboot hota chala jata hai…. waqai Rub ke rehmat se mayous hona to koi aqalmandi nahi hai…..

gir janay kay dar se chalna chor dena to koi aqalmandi nahi hai…….

fail ho janay k dar se imtihan na dena to koi danishmandi nahi hai…..

Mohabbat k bhanwar me doob janay k dar se….. kinary per reh kar apni umeedon ko apni arzoooun ko toot’ta dekhna to koi aqalmandi nahi hai……..

Jab Rub kehta hai k mayousi kufr hai….. to phir bhi ham uske rehmat se mayous q hotay han? zindagi to khushgumani ka nam hai….. es khushgumani ka …….. k mehnat meri hoge to rehmat teri hoge… zindagi k har safar me agay barhnay ka jazba mera hoga….. dena aur na dena to us Rub ke marzi hoge… per har dam khushguman rehna……. k hamari mehnat ka sila hame milay ga…

aaj se kaye saal pehlay maine likha tha…

K agar ham sachay dil se… puri taqat se apni mazil chahay wo kuch bhi ho….. kisi k lye manzil achi job hasil karna hai, kisi k lye manzil abroad jana hai… kisi k lye manzil uncha muqam hasil karna hai… kisi k lye manzil apni mohabat hasil karna hai……

Manzil koi bhi ho agar ham puri himat aur taqat se usper mehnat karen to ham hasil kar hi lengay….. yeh qismat kuch nahi hote…… hamari mehnat aur laganse ham har chez hasil kar lengay…

per pata to jab chala jab har kooshish k bawajood…… aisay hi jaisy kahen janay k lye ap bus per charh to jatay han aur ab yaqen ho jata hai k ap manzil per pahunch jayengay per koi apko dhaka de day… to girnay k baad ap manzil se bahut door ho jatay han….. ya koi chahnay wala, koi hamsafar, koi hamnawa jisse mohabat ho …… wo chor kar chala jaye… to manzil ke talash ka osul khatam ho jata hai… aur jab aisa ho jaye….. to phir ………… hamari mehnat aur hamari lagan k baad bhi hame manzil nahi milti aisa q?

Hamne har kooshish ke khush guman rahay….. per hasil phir bhi na kar sakay…

jab mujhe yeh yaqeen aya….. k kismat bhi koi chez hai……

Aur ab mai sochta hon……. apnay Rub per bharpoor yaqeen k sath khushguman ho kar husoul e arzoo k lye lag jao….. aur agar nateeja musbat ho to kamyabi aur nateeja umeed k mutabiq na aye… to usme Qismat aur Rub ke maslayhat samjho aur aik naye safar per naye manzil ke talash me nikal jao.

Yeh jo hazrat e insan hai eskay lye kabhi manzilon ke justuju khatam nahi hote.

so bas… kehna itna hi hai………

anheri raat se kabhi nahi ghabrana chahiye…… us andheri raat me koi roshni ke talash karo aur din ke amad k lye hamesha khushguman raho.

Aik dost kay nam.
Jo khushgumani se darta hai.

Mai bas bay hosh o hawas tumhari ankhon ko dekh raha tha… un akhon ke chamak, un ankhon ke shararat, un aankhon ke teergi , un ankhon ke tadap…… mai bas kho sa gaya tha……. haan kho sa gaya tha tumhary chehray per bikhri hue us lutt per jo mujhe val val qatl kar rahi thi…. tumhari band hote hue madhosh se palkon me…. tumhary jism ke hararat me… tumhari ukharti hue narm aur garm se sanson me….

Suno jana us ehsas se barh kar kuch bhi nahi ho sakta hai …. han kuch bhi nahi…. mery nazdek wo ahsas hi sab kuch tha sab kuch hai…. wo dhadhkano ka bayqaboo ho jana…. wo kabhi dhemay to kabhi tez dil ka ajab raftar se dhadakna….. so itni sakht sardi me bhi paseena…

Tumhari baytabi… tumhari bay chaini …. mery dil , jism , rooh o jaan me aag se laga rahi thi mujhe baychain kar rahi thi mujhe bay qaboo sa kar rahi thi……. Mujhe hosh o hawas hi kab thay …

Tumhara yon bay qaboo ho jana tumhara yon mujh me kho jana … mery dil me khayal aata tha… dekho yeh to meri hai, yeh to mujh me kho gaye hai yeh to meri ho gaye hai sirf meri…. yeh meri jaan hai meri rooh hai mera sab kuch sab kuch tum han tum tum tum ho….

yeh jazba jitna taqatwar hota jata tha…… mujh me tum me simat janay ka tum me kho janay ka do roohon ka do jismon ka milan ho janay ka sama janay ka aik ho janay ka jazba utha hi  barh jata tha… aisay jaisay koi bay qaboo samandar ke tez sahilon ko chooti hue bay rabt se lehren… toofan sa dil me utha rahi thi tumhari soch tumhara khayal….

Please forgive me……. mujhe rooko mat … mujhe tooko mat… bas kuch na kaho kuch bhi na kaho… y eh khamoshi hi zuban hai….. bass pass ajao… bas simat jao….

Bas ankhon se baat karo bas qurbat se jazbon ko bayan karo… bas hont khamosh hon… dil ke zuban se guftugu ho….

Please forgive me…. mai tumhe pyar karna nahi chor sakta…. mai tumse door nahi ja sakta……

Yeh ahsas mujh me utar gaya hai kisi sartaan (Cancer) ke tarha k tum meri ho……. yeh ehsas mujhe tumse juda honay nahi deta …. lakh chahon to bhi tumko nazar andaz honay nahi deta….

Tumharay honton se mery honton ka milan…. es ahsas se barh kar kuch bhi nahi tumhari band hote hue ankhen… wo bay qaboo ho kar mujh me simat jana…. es ehsas se barh kar kuch bhi nahi …. bas tum meri banhon me ho mujh me samaye ho…. yeh ahsas yeh jazba meri aag ko bharkata hai… mujhe pagal kar deta hai…. tum mery jism o jaan me aik aag se laga jate ho…

Please forgive me….. mai tumse juda honay ka tasauvur bhi nahi kar sakta…. tum wo ho jo meri pehli chahat ho … jise maine barson se chaha hai…. jise barson se rab se manga hai…. tum wo ho jis se raushan hai kainat meri…. tum wo ho jo meri talash ho meri justuju ho… tum wo ho jo meri zindagi ho… tum wo ho jo meri wafa ho… tum wo ho jo mera maan ho mera arman ho… tum wo ho jo meri ankhon ka noor ho … tum wo ho jo mery dil ke dhadhkan ho… tum wo ho jo mery jeenay ka sabab ho… tum wo ho jo sirf sirf sirf meri chahat ho…tum wo ho jise maine sachay dil se chaha hai…

Please forgive me…. mai tumhe aur pyar nahi kar sakta … kyon kay jitna pyar mai karta hon wo mery pyar ke akhri hadh hai wo meri tadap ke akhri sarhad hai….

Please forgive me… Mai tumse juda ho nahi sakta… mai tumko chor kar jee nahi sakta… mai tumse pyar karna khatam nahi kar sakta… mai tumse mohabat kam nahi kar sakta …. please mujhe rooko mat… please mujhe tooko mat… tum sirf meri ho meri ho sirf aur sirf meri ho….

Please forgive me… mai bahut dard me hon… mai bahut karb me hon… Mujhe tumhari tumhari tumhari zaroorat hai… please mera yaqeen karo … mai kehta hon… mery alfaz hi mery jazbaat hain… en jazbaat ko samjho… please enke qadar karo…. please mera yaqeen karo harf harf jo tumse kaha hai sab sach kaha hai… Please forgive me… mai tumse door nahi ja sakta hon…

Aaj bhi yon hi mehsoos hota hai jaisay yeh wo hi waqt hai… han wo hi pehlay wala qat jab tum mery sath then mery pass then mery nazdeek then mery qareeb then… wo hi waqt jisme maine tumhara pehla lams paya tha… jisme tumhe cho kar…aik toofan ko apnay andar jagaya tha….  wo pehlay lams ka ahsas mera sarmaya hai… mera asasa hai mera hasil hai meri zindagi hai meri yaaden hain meri soch hai meri baaten hai….

Suno… jana … ham phir se paas aye han… ham phir se bahut nazdeek han…  mai tumhari sanson ko mehsoos kar sakta hon mai tumhary jism ke khushboo ko mehsoos kar sakta hon… mai tumhary honton ke narmi ko tumhari sanson ke garmi ko bahut nazdeek se mehsoos kar sakta hon….

haan haan haan mujhe yaad hai tumhara hansna tumhara chalna…

“Aisay hansti then tum

Aisay chalte then

Chand k jaisay chupti aur nikalte thi”

haan mujhe har wo raat yaad hai jo tumhary sang bitaye hai.. har wo baat yaad hai jo tumse ke hai… har jazba har mohabat har chahat ka ahsas tumse ke hue baaten haan mujhe sab yaad han… Please forgive me nahi bhool sakta wo kuch bhi wo meri zindagi ka hissa han…

Suno jana…. mai janta hon mujhe likhna nahi ata mujhe kehna nahi ata mujhe dil k jazbaat batana nahi ata… per jana… bahut dilse bahut chahat se bahut jazbaat se tumse bahut bahut bahut ziada pyar karta hon… mera jazbay bahut strong han jana…. mera har lafz lafz tumhe dua deta hai…… jaana…

Please forgive me… mai nahi rah sakta tum bin jana… please mat tadpao… bas paas a jao bahut paas a jao mujh me sama jao meri ho jao…….

Bas sirf aur sirf (Be My Valentine) Meray Mehboob Ban Jao.. Mera lafz lafz gawahi day ga k maine sirf tumse mohabat ke hai… meri har dhadhkan gawahi day ge k maine itnay salon me sirf tumhari hi chahat ke hai… mera har jazba tumhe bataye ga…… k ibadat ke tarha tumse mohabat ke hai….

Please forgive me cant’ live without you…

Love you truely madly deeply….

No one can cares you more than me…
No one can bluff me more than you…

Think baby whats the difference between Me and You….

…………………………………………………………………..
Jawab:
Huh!!
Bas karo …. chup ho jao
pyar ke bheek mangna band karo….
Nahi ho tum meri zindagi…
Mai kisi aur ko pyar karte hon… tumhe nahi…
Ainda plz mujhe tang na karna…
Khuda Hafiz………..

bahut arsay baad mujhe yeh ahsas hua…… yeh Pehli…. kya matlab? agar insan Pehli mohabat ko nahi bhool sakta to eska matlab hai phir Mohabat dosri bhi hote hoge, teesri bhi hote hoge….

phir meri es shair se jaisay jang ho gaye …..

mai to manta hon

“Bas Aik Mohabat Kaafi Hai…

Baqi Tamam Umar Izafi Hai…”

Mohabat jis se ho uske baaton se uske yaadon se nikalnay ka waqt milay to ham kuch aur sochen……. jante ho mery nazdek mohabat tumhari yaadon ko es tarha late hai jaisy roz sooraj aik naye subh ko lay kar ata hai…….

“Aisay chalte to wo aisay hansti thi

Chand k jaisay chupti aur nikalte thi

Sab se teri baaten tery baad karen gay

Tujhe yaad karen gay”

En yaadon se kon bahar nikal sakta hai jana….. itnay saalon me 1996 to 2009 december…. aaj tak un ankhon se bahar nahi nikal saka……. itni bay basi hai itni taklef hai…… k kahan se laon wo lafz jo tumhari ankhon ko bayan karen… dil roota hai……tumhara hansna tumhara chalna tumhara baaten karna tumhara mathay pe wo lut bikhra kar mujhe pagal kar jana…… tumharay lafz lafz qayamat… tumhari ankhon ke wo chamak…… tumhari ankhon ke wo gehraye ……. tumhari ankhon kay wo khuwab…….. tumhari ankhon me mai kho sa jata tha……

Tumhari ankhen……. tumhari ankhen us aik bhanwar jaisi han jis ke tezi me jis ke tughyani me jiskay toofan me …… mera dil…… kahen doob gaya hai…… kahen kho gaya hai……..

mai to aaj tak tumhari ankhon ge gehraye se bahar hi nahi nikal saka hon…… Tumhari ankhon se jana hai pyar kya hota hai…….. tumhari ankohn se jana hai koi kaisay dewna ban jata hai…. tumhari ankhon se dekha hai….. k jab wo chalak jayen to ….. kisi ka dil kaisay khoon k ansoo roota hai….. kisi ka dil kaisay kaisay kaisay toot jata hai…… tumhari ankhon se seekha hai…… yeh baybasi kya hai…… yeh tadap kya hai……..

aaj …. itnay saalon me ……. sirf tumhari tumhari tumhari ankhon ko hi bayan nahi kar saka….. nakam hon …… dard hai senay me taklef hai…… uljhan hai….. bay chaini hai……. aj tak tumhari ankhon ke khoobsorti se hi insaf nahi kar paya hon………

koi mery dil ko jaisay bha jaye…. koi mujhe kaisay pasand a jaye…… mai tumhari yaadon se tumhari baaton se tumhari soch se niklon to yeh dunya dekhon…….

Mery lye tum aisay hi ho jaisay aik tanhai pasand insan ko ….. kisi andhery kamray me zinagi ke soch mil gaye ho……

Janti ho jaisay en logo k lye business me closing ka month ata hai na….. jisme tamam business ka hisab kitab kar k yeh munafa ya khasara declare kartay han…….

Meri zindagi me tumhari yaadon ka khazana ……… December me khulta hai……… December me wo tamam yaaden mujhe jala dalte hain…..

wo…. wo hamara raat gaye bahar tehelna….. hathon me hath lye….. mery garm hathon me tumhara barf jaisa hath…… mujhe zinagi deta tha….. meri aag ko rahat deta tha…… aur aur…. tumhara wo itni thand me ……. bolna…… chalo …. mujhe cornetto khilao ab …….. aur mera wo hanstay hue ankhen phar k tumhe dekhna……. aur bolna……. aray pagal ho gaye ho kyaaaaa itni thand hai…… aur tumhe ……. ice crem…… uf kya larki ho…….. aray bemar ho jao ge pagli…….

aur tumhara wo ghusay se….. us shararat bharay ghusay se mujhe dekhna aur kehna……. nahi khilani to aisay hi bol do…… mujhe nahi pata mai to….. thand me ice cream bahut shauq se khati hon…….. phir hamara wo rat gaye teheltay hue ice cream khana………

Shayad kisi k lye yeh chote se baat ho ……. December ke wo raaten meri zindagi ka khazana hain…… wo tumhary honton pe lagi hue ice cream…….. wo tumhara honton pe zuban pherna…….. wo…. tumhari ankhon ke chamak…… wo tumhar tevar charha k mujhe dekhna aur bolna…… kya hai ice cream khao apni tumhe nahi pata mai aisay hi khati hon…… aur wo mera muskura dena………

December ke sard shamo’n me wo hamara samandar kinary ja k baith jana…. aur wahan garm garm mong phalyan (peanuts) khana…… wo lehron k shor ko sun’na wo thandi hawaon ka chalna…….. wo geeli rait per tumhary paon ke nishan….. jaisay mery dil per garh (emboss ho) gaye hon ……..

China town ke madham roshni me….. hamara baithna….. wo tumhara baytab ho kar bay chain ho kar bachon ke tarha soup peena…… wo mera tum ko dekhna ……… tumhari tevar charha lena……. uffff tumhara tevar to mujhe val val qatl kartay thay…

December ke wo barish…… yaad hai na…. jab car me song laga tha…..

“Pehli pehli baar hai aaj… pehli mulaqat hai … aaj to …. zindagi me dil lagi ka hai pehla pehla mauqa…… mil kay use kahon me kiya…. dil me to aik toofan basa…. jo jaan lay to hai aasan…… kehna mushkil”

Aur ham dono ka wo traffic jam me phans jana…… aur mera ye song gun gunana……. aur tumhara ankhen phar kar mujhe dekhna…… aur kehna….. tum kitnay bay suray hooooooo……… aur mera wo tumhe masoom shakal bana kar dekhna …… aur chup ho jana………

Aaj bhi us ganay k alfaz…… mujhe unhi yaadon me lay jatay han…… wo bhegti hue car……. wo tez barish…… wo tum aur mai……. wo sheshon pe jami dhundh…….. wo badalon ka garajna……. wo tumhara dar se khamosh khamosh sa baithna…….

Janti ho december ke yaaden mera khazana hain……… ye yaaden mujhe tumse juda honay nahi deten….. mujhe tumse bay khabar honay nahi deten…..

Janti ho…….. wo namazen parhna ….. wo duaen mangna….. wo duaon me bas tumhe sirf tumhe mangna…. tumhary kho janay ka dar hi to mujhe musalman rakhta tha…… tumhary janay k baad …….. maine qasam khaye thi….. k ab kuch nahi mangonga……

Mangon bhi kya ab? tumhe zindagi kehta tha……. jab zindagi hi na ho….. tumhari ankhon ko roshni kehta tha…… jab roshni hi na ho……. tumhe pyas kehta tha……. jab pyas se maut a jaye…….. to baqi hi kya reh jata hai zindgi me mangna ko ………..

Yaad hai tumhe jaan kehta tha……tumharay muskura uthnay se jaisay jaan ajati thi mujh me …… tumhari udasi se jaisay bayjaan ho jata tha mai…….

Janti ho waqt ne bahut sitam kiye….. maar diya mujhe…… zindagi se jaisay rang cheen liye……tum hi to mery lye sab kuch then…… tum hi to meri zindagi meri jaan mera juz e emaan….. meri mohabat….. meri chahat…. meri arzoo…. meri talab…… meri tamana…… meri khuwahish……. meri roshni….. meri zindagi…….. sab tum hi to then…… abb….. ab .. tu jo nahi hai……. to ……. kuch bhi nahi hai…….. kuch bhi nahi hai………..

Aaj …. Aaj waqt ne bahut se baaton per ……… jaisay mitti ka aik dabeez parda dal diya hai………. aur mai hon……. k mitti k us sehra me.. kisi pagal ke tarha ………. har taraf tumhe dhundh raha hon……….

December hai…… tumhara khayal hai…… tumhari baaten han….. tumhari yaaden han…….

December…… yaadon ka khazana hai……. december hai aur tumhara khayal hai…… aur sardiyon ke chand rat hai…. bas … jo nahi hai wo tera aik sath hai……

I Miss You…… I Mis You…… My Life….

Chahat des se chalay gaye mujhe tanha kar kay…..

Na janay kyon bhoolta nahi wo waqt wo chand lamhay jinho ne meri zindagi badal de thi….

Hamari zindagi….. aur us zindagi k bas wo chand haseen pal…. aj meri zindagi ka meri yaadon ka hissa han….Wo muree ke yakh basta wadi…. us wadi me chalte san san barfeli hawaen…. rooh ko , jism ko, jama denay wali hawaen…. aur usper tumhara hanstay hue chekhtay hue shokh aur chanchal lehjay me ….. barf k golay banana……. mujh pe phenkna….wo mera tumhary pechay bhagtay phirna…..

wo tumhary rukhsaar ko bay irada na janay kyon hathon me thaam kar choom lena….. aur yakh basta hawaon ke thand bhi us lamhay tumhari nikalti hue garm sanson me ……. kahen gum se ho jate thi……

Tumhara yeh kehna…. k mai ap ke hon……. tumhara wajood hi mujh me zam kar deta tha…… tumhari masoomiyat, tumhari baaten tumhari adaen…. tumhari baaten…..  yahi sab….. yahi sab meri zindagi ka mehvar then….

Meri zindagi to bas yahen tham gaye hai k….. ” Aisay hansti thi wo aisay chalte thi…… Chand k jaisay chupti aur Nikalti thi…” bas yahen to ruk gaye zindagi meri….. Tumhara chalna, tumhara hansna , tumhara bolna, tumhara mujhe un shookh nazron se dekhna…… tumhara wo gallon’ pe hath rakh k sochna…… tumhara wo kabhi kabhi sanjeeda ho jana….. aur puchna …… hamara kya hoga….. ham kab milengay……. wo mera tumse kehna “Mohabat Khush Gumaan Hai… Allah Hamary Sath Hai…. Tum Meri ho bas meri sirf meri”……

Wo us din hotel k kamry me chimnee k samnay baith kar green tea petay hue aik dosray ko kan ankhiyon se dekhna… wo mera tumhe ankhon ankhon me chairna…….aur tumhara….. sharmatay hue lajatay hue mujhe dhaka detay hue bolna ……… ap na….. bas ……. bahut badtamez han ….. jaen mai nahi bolte ap se…….

Aur mera muskuratay hue senay se laga lena…… aur tumhara wo mery senay pe hath marna …….

Muree ke yakh basta hawaon me….. aik garm cofee aur shayad us se ziada tumhary wajood ke , tumhary ahsas ke tumhari rooh ke tumhary jism ke garmi ne ……. meray khayalon pe kabhi sard mohri taari nahi honay de…… Har lamha roshan raha mera jahan juz tery ahsas se…….

Muree ke un wadiyon me …… jo hamne sath kheltay hue …… barf se aik mujasima tarasha tha…….. jisko tumne meri hat aur mera coat pehna diya tha…….. aur kaha tha…….. januuuu yeh to app hooooooo……… aur hamne usko kafi der dekha tha……. aur tumne to uske photo bhi le thi na………. jana….. jana wo mujasma aaj pighal gaya hai……… jana wo mujasma……… waqt k hathon haaar kar dhal gaya hai……..

Jana Aaj tum nahi ho……. mery pass nahi ho……. haan…. kahen nahi ho…… kho chuka hon mai tumhe…….. per jana……. aaj muree ke un yakh basta hawaon ka soch kar mera wajood bhi jum jata hai…………..

Mujhe muree ke un wadiyon se, un hawaon se ……. khauf ata hai bahut khauf ata hai…………. Life is nothing without you……. Teray bina bhi kya jeena…..