Mujh se pahali si mohabbat, mere mahabuub, na maang
maine samajhaa thaa ke tuu hai to daraKshaaN hai hayaat
teraa gham hai to gham-e-dahar kaa jhaga.Daa kyaa hai
teri suurat se hai aalam meiN bahaaroN ko sabaat
teri aankhoN ke sivaa duniyaa mein rakhaa kyaa hai
tuu jo mil jaae to taqadir nigon ho jaae
yuun na thaa, main ne faqat chaahaa thaa yuuN ho jaae
aur bhi dukh hain zamaane meiN mohabbat ke siva
raahaten aur bhi hain vasl ki raahat ke sivaa
mujh se pehali si mohabbat, mere mahabuub, na maaNg
anaginat sadiyoN ke taarik bahimaanaa talism
resham-o-atalas-o-kimkhaab se saje jism
khaak meiN lithaDe hue khooN meiN nahalaae hue
jism nikale hue amaraaz ke tanavvuroN se
pip bahati hui galate hue naasu=uroN se
laut jaati hai idhar ko bhi nazar kyaa kije
ab bhi dilakash hai teraa husn, magar kya kije
aur bhi gham hain zamaane meiN mohabbat ke sivaa
raahateiN aur bhi haiN vasl ki raahat ke sivaa
mujh se pahali si mohabbat, mere mahabuub, na maaNg
Comments
Feel free to leave a comment...
and oh, if you want a pic to show with your comment, go get a gravatar!